O videoxogo galego AR-K estrea o seu terceiro episodio
martes, 14 de xullo do 2015
O
grande proxecto do estudio coruñés Gato Salvaje, a aventura gráfica AR-K, que conseguiu financiar o seu
desenvolvemento en boa medida grazas a unha campaña de
micromecenado que rematou con éxito hai un
par de anos, continúa a avanzar pasiño a pasiño, e finalmente ven a luz o
seu agardado episodio 3, AR-K: La Gran Evasión, que xa está dispoñible a través de Steam
a un prezo de 7,19 euros (xa que até o 21 de xullo conta cun 10% de desconto
como promoción de lanzamento), aÃnda que os usuarios que conten coas primeira
entregas poderán facerse con esta última por 2,99 euros como recompensa á súa
fidelidade.
Esta terceira entrega chega despois de que o xogo decidise volver sobre os seus
pasos para modernizar as primeiras entregas, de xeito que puidesen incorporar
as novidades técnicas das novas entregas e conseguindo asà crear unha imaxe
uniforme. Con este novo episodio vemos finalmente un importante salto de
calidade, en boa medida grazas á incorporación do célebre guionista Greg Rucka, coñecido por estar detrás de
grandes cómics de Marvel e DC, asà como tÃtulos independentes, facéndolle
merecedor de 4 Premios Eisner, e que incluso é un dos encargados de levar á
banda deseñada algunhas das historias de Star Wars que completan o universo
cinematográfico.
O terceiro episodio de AR-K
permÃtenos axudar a Alicia Van Volish a fuxir do Distrito 8 e descubrir a orixe
dunha misteriosa Esfera Dourada nunha aventura chea de misterio, humor ácido,
personaxes simpáticos e ciencia ficción. Na continuación da historia de Alicia
gozaremos dunha experiencia de xogo mellorada, escenarios inéditos (con deseños
que non se viron nos primeiros capÃtulos e que contan cun maior dinamismo) e
tamén farán acto de presenza novos personaxes, ampliando o universo de AR-K para avanzar até a súa conclusión
nunha cuarta entrega pola que deberemos agardar uns meses (antes é de agardar
que poidamos ver como o xogo estrea tamén versión para dispositivos móbiles,
plataformas nas que as aventuras gráficas están a gozar de boa acollida).
Trailer en inglés de AR-K: La Gran Evasión
