O último antivirus de Panda recibe a certificación de compatibilidade de Microsoft
martes, 19 de xaneiro do 2010
O Panda
Cloud Antivirus de Panda Security, vén de conseguir a certificación de
compatibilidade con Windows 7 outorgada por Microsoft tras pasar todos os
controis de calidade, tanto para 32 como para 64 bits.
Este recoñecido antivirus vén de recibir,
asemade, o selo Editor´s Choice de PC Magazine ao Mellor
Antivirus Gratuíto, e gañou a comparativa de PCWorld como o Mellor
antivirus en detectar malware, entre outros vermes.
Trátase do primeiro antivirus deseñado especificamente
para ofrecer protección dende a nube, salvagardando ao usuario contra novos
códigos maliciosos, practicamente en tempo real e realizando todos os procesos
contra Internet, polo que, segundo informan dende a compañía, “ten un mínimo impacto no rendemento do PC”.
A versión final de Panda Cloud Antivirus,
que se pode descargar de balde dende a Rede, lanzouse o pasado 10 de novembro
de 2009 e dende a súa presentación, millóns de usuarios disfrutan dunha
protección “máis sinxela, efectiva e
doada de instalar”.
