O software do IET para pequenos establecementos hostaleiros, a disposición dos profesionais do Estado
xoves, 8 de novembro do 2012
O
Instituto de Estudos Turísticos de Galicia da Secretaría Xeral para
o Turismo puxo
este 5 de novembro o seu software para a xestión hostaleira en
acceso libre para calquera profesional español do sector. A
ferramenta, especialmente axeitada para os pequenos establecementos,
está a disposición da comunidade na páxina web
comparteiniciativas.es.
Esta achega ten a súa orixe na adhesión de Turismo de Galicia á
devandita web, unha ferramenta de intercambio de recursos
tecnolóxicos en materia turística, pertencente á
Sociedade Estatal para a Xestión da Innovación e as Tecnoloxías
Turísticas.
A
iniciativa tamén se debe ao
convenio marco de colaboración asinado dende a
entidade estatal
co Goberno galego,
cuxo obxectivo principal foi
o de compartir coñecemento e desenvolvemento tecnolóxico en
beneficio do sector turístico, aforrando custos.
No
software en
cuestión,
do
que temos falado con
motivo das súas primeiras presentacións e das súas postas en
longo en
Santiago e Vigo
(entre outras cidades), tamén está dispoñíbel na
web do Instituto de Estudos Turísticos de Galicia. O seu
obxectivo, como salientamos daquela, foi dende o comezo duplo:
a mellora da calidade e a competitividade do sector turístico e a
mellora do sistema de información estatística que posúe o
Instituto de Estudos Turísticos de Galicia.
“Os
principais beneficios que reportará aos hostaleiros este software de
acceso libre”,
informa
o instituto galego,
serán os
seguintes:
“Contar
cun sistema de xestión sen realizar un desembolso económico porque
non require pago de licencias e non ter restricións para a súa
modificación, porque é un sistema de código aberto que permite ao
hostaleiro adaptar o dispositivo ás necesidades específicas da súa
empresa”.