O Proxecto NACCE impulsa xa o tecido TIC galego-portugués con catro foros de innovación
mércores, 5 de setembro do 2012
O Proxecto NACCE
(Núcleo de Apoio á Competitividade e a Creación de Empresas TIC) comeza a
coller corpo definitivo a semana que vén, como dixemos en
Código Cero, coa celebración do Foro de Internacionalización de PEMES TIC
de Galicia e Norte de Portugal, un encontro convocado en Vigo, o 13 de
setembro, co obxectivo de ir abrindo novos espazos de actividade para as firmas
tecnolóxico-dixitais dos dous paÃses irmáns (firmas presentes e, tamén,
futuras). O proxecto, no que participan empresas, entidades, profesionais,
estudantes e docentes de ámbalas beiras do Miño, materializarase de múltiples
maneiras (fÃsicas e virtuais), pero todo arredor dunha base común: a axuda
emprestada polos integrantes do Núcleo NACCE ás empresas e emprendedores do
sector. O foro que se celebra o 13 de setembro é en boa medida o comezo desta
materialización. Será, ademais, o primeiro dunha serie de moitos. Polo de
agora, xa están programados catro.
O núcleo NACCE está composto por empresarios e
emprendedores TIC de éxito, profesionais, consultores e expertos en tódalas áreas
empresariais (internacionalización, promoción, fiscalidade, etc) e membros das
institucións públicas e privadas que ofrecerán apoio, asesoramento, orientación
personalizada e ferramentas precisas ás empresas e emprendedores do sector
tecnolóxico-dixital nos seguintes eidos e segundo as necesidades de cada
participante: proxectos comúns de colaboración TIC galego-portuguesa,
internacionalización de empresas TIC e creación de novas empresas e liñas de
negocio. Este núcleo traballará de xeito virtual na plataforma web www.nacce.es e en persoa nos foros previstos de
innovación, colaboración e internacionalización e máis nas mesas de traballo.
O primeiro foro, como dixemos, celebrarase o xoves
13 de setembro na Cámara de Comercio de Vigo. Transcorrerá ao longo dunha mañá
con relatorios sobre estratexia internacional, xestión e experiencias
internacionais da man de reputados profesionais como José Ramón Pais
(vicepresidente da Fundación Innovapyme Galicia), ElÃas Pérez (cofundador de
Quobis) ou José Manuel GarcÃa, actual responsábel de Binaurality.
Os seguintes foros programados son:
· II FORO NACCE, FORO DE INNOVACIÓN EN PEME TIC GALICIA-NORTE DE PORTUGAL. Data: 18 de setembro
de 2012. Lugar: Ourense
· III FORO NACCE, FORO DE COLABORACIÓN. Data: 20 de
setembro de 2012. Lugar: Pontevedra
· IV FORO NACCE, FORO DE INNOVACIÓN II. Data: 27 de
setembro de 2012. Lugar: Guimarães
NACCE é un proxecto que se inscribe dentro da segunda convocatoria do
Programa de Cooperación Transfronteiriza España -Portugal 2007-2013. No
proxecto NACCE participa como xefe de fila e responsable a Dirección Xeral de
Promoción do Emprego da ConsellerÃa de Traballo e Benestar, xunto á Asociación
Galega de Empresas TIC (AGESTIC), a Cámara de Comercio, Industria e Navegación
de Vigo, a Universidade de Vigo, a Asociación Empresarial AIMINHO e a
Asociación Centro de Computación Gráfica de Portugal.