O Messenger estrea reaccións e mencións
xoves, 23 de marzo do 2017
Nas
últimas semanas Facebook estivo a probar a incorporación de reaccións no seu Messenger,
coa
curiosa estrea da reacción Non Me Gusta,
e finalmente decidiron que estaban a avanzar na dirección correcta e hoxe
anuncian unha
actualización do Messenger que introduce as reaccións e as mencións para
mellorar as conversas e facelas máis prácticas e divertidas.
As reaccións consisten en que no medio das conversas de Messenger poderemos
premer sobre un texto ou unha imaxe nunha conversa e elixir a emoticona que
desexemos entre Encántame, Faime rir, Abráiame, Entristéceme, Anóxame, Gústame
e Non Me Gusta.
En cada mensaxe con reaccións veremos as fotos de perfil das persoas que
reaccionaron ás mesmas, e se prememos sobre as caras veremos o detalle das
reaccións. Tamén veremos en tempo real cando se realice unha reacción mediante
unha pequena animación que veremos se temos a conversa aberta e, en caso
contrario, tamén veremos as reaccións a xeito de notificación.
A outra grande mellora do Messenger son as mencións, de xeito que cando
esteamos nunha conversa en grupo poderemos escribir unha @ e logo comezar a
teclear o nome da persoa do grupo a quen queiramos dirixirnos para mencionalo e
facilitar asà a conversa entre varios usuarios. Nesta ocasión a persoa
mencionada tamén recibirá unha notificación detallada que facilitará acceder á
conversa para achegar unha resposta.
Estes cambios comezan a aplicarse hoxe mesmo, pero poden tardar varios dÃas até
que estean accesibles para todos os usuarios do Messenger de Facebook.