O Eurobasket poderase seguir na Rede dende balonSexta.com
mércores, 22 de agosto do 2007
Pese os atrancos iniciais tralo lanzamento da web de
laSexta Noticias, os responsables da canle televisiva seguen a crer na
Internet e as súas posibilidades, polo que ante o inminente Eurobasket abren
unha nova web, balonSexta.com na que
informan das novidades do mundo do baloncesto dun xeito entretido e pouco
convencional co que pretenden dar algo máis que o que se ofrece na televisión.
|
Para demostrar a súa aposta polos novos medios, o novo espazo contará
cun blog da canle, un videoblog da
estrela española Pau Gasol e un videoblog presentado
por Sara Carbonero no que se fai un repaso das novas da xornada.
- Pau Gasol terá o seu propio videoblog en balonSexta.com
O novo espazo aposta pola comunidade, a web 2.0, de xeito que os usuarios poderán compartir comentarios, imaxes e vÃdeos, o que xa de por si resulta bastante innovador, pero que sumado ó feito de que laSexta pretende emitir en directo os partidos da selección española (están en negociacións coa FIBA para ver se poden retransmitir o resto dos encontros) mediante streaming converten a esta iniciativa en todo un referente.