O Colexio Oficial de Enxeñeiros de Telecomunicacións de Galicia aposta pola Rede segura para a infancia
mércores, 4 de novembro do 2009
O Colexio Oficial e Asociación de
Enxeñeiros de Telecomunicación de Galicia (COETG-AETG), a través dun
convenio de colaboración coa SecretarÃa
Xeral de Modernización e Innovación Tecnolóxica da Xunta de
Galicia, organiza as Xornadas sobre Sistemas de Uso Seguro da
Internet na Infancia. Vixilancia e Control do Uso de Internet
que se celebrarán, con carácter gratuÃto, nas principais cidades galegas
durante o mes de novembro e estarán dirixidas fundamentalmente a Asociacións de
Nais e Pais de Alumnos dos centros escolares e/ou asociacións culturais
interesadas.
Estes talleres teorico-prácticos teñen a finalidade de
concienciar ao colectivo de pais e nais sobre os usos e riscos das TecnoloxÃas
da Información e da Comunicación (TIC), asà como facilitar os medios necesarios
para aprender os métodos de control do uso da Internet, sen que por iso se
impida o acceso á Sociedade da Información.
Os cursos abordarán tres grandes áreas temáticas (o
control de contidos de Internet, o manexo das ferramentas existentes e o
control parental) e versarán ademais sobre a posibilidade de establecer filtros
nos computadores persoais dos fogares.
As xornadas serán impartidas por enxeñeiros de telecomunicación expertos na
materia, que analizarán e amosarán os puntos vulnerables dun computador,
asà como métodos de control das actividades realizadas (páxinas visitadas,
chats, redes sociais, etc).
O calendario das xornadas é o seguinte:
Luns 9 de novembro. LUGO: Telecentro do Centro Social Lamas de Prado. Praza de Castiñeiro s/n
Martes 10 de novembro. SANTIAGO: Telecentro do Centro Multimedia de Galicia R/ Hórreo, 61
Mércores 11 de novembro. A CORUÑA: Telecentro da Biblioteca púb. MGG R/ Miguel González Garcés,1
Xoves 12 de novembro. VILAGARCIA: Telecentro do Obradoiro municipal de emprego Avda.Matosinhos, 1
Luns 16 de novembro. PONTEVEDRA: Telecentro da Fac. CC e da Comunicación Campus A Xunqueira, s/n
Martes 17 de novembro. FERROL: Centro cultural Torrente Ballester R/ Concepción Arenal, s/n
Mércores 18 de novembro. OURENSE: Telecentro Delegación Xunta -Edificio Chocolate- R/Habana 79, 3ª
Xoves 19 de novembro. VIGO: Telecentro do Edificio do Concello. Praza do Rei nº 1
Cada dÃa impartiranse dúas quendas: 16.00 horas e 18.30 horas