O CESGA organizou unha xornada de difusión do IPv6
martes, 5 de abril do 2011
O Centro de
Supercomputación de Galicia (CESGA) acolleu hoxe unha xornada
titulada Preparando a Transición a IPv6, o Futuro de Internet, na
que trataron o
cambio de enderezos IP do protocolo IPv4 ao IPv6, encargándose de inaugurar
o encontro a secretaria xeral de Modernización e Innovación Tecnolóxica, Mar
Pereira, quen destacou que o despregamento do novo protocolo de direccións de
Internet a IPv6 permitirá «novos servizos
e aplicacións non só para usuarios senón para todo tipo de dispositivos
avanzando cara o concepto da Internet das Cousas, un novo esquema no que os
obxectos cotiás estean identificados e conectados á Rede».
A
responsable de Modernización sinalou o papel que compete ás administracións
públicas «que podemos contribuÃr á
popularización de IPv6 con actos de difusión, pero tamén iniciando procesos
para o despregamento deste protocolo na propia administración e por suposto,
adquirindo equipamento que garanta o soporte completo a IPv6, despregando
sitios Web, servidores de correo, e calquera outros servizos da administración
pública visibles dende Internet, que soporten IPv6 ou utilizando sistemas
operativos que admitan IPv6, etc.».
A xornada organizada polo CESGA combinou contido teórico e práctico e contou
tamén coa intervención de Jordi Palet, membro da Task Force sobre IPv6 da
Comisión Europea. Palet traballa desde hai anos no desenvolvemento, promoción e
despregamento do protocolo IPv6.