Nokia achega o Trivial Pursuit a Windows Phone 8
xoves, 14 de marzo do 2013
O
clásico Trivial Pursuit leva dende os
anos 80 contando con versións electrónicas para consolas de videoxogos e
ordenadores persoais, recuperando certo pulo ao saltar a smartphones e tablets,
estando dispoñible incluso para Windows Phone 7.x, pero os usuarios con Windows
Phone 8 non podían gozar do mesmo, o que vén de solucionar a propia Nokia para
os seus novos dispositivos da familia Lumia, para os que vén de achegar este
xogo a un prezo de 2,99 euros.
A versión para Windows Phone do Trivial
Pursuit conta con dous modos de xogo (clásico e Pursuit), a posibilidade de
facer un seguimento das estatísticas do xogo, personalizar os perfís de
usuario, definir os límites de tempo e crear niveis de dificultade
personalizados e, ao ser un título baixo a marca Xbox, tamén inclúe logros
(como “sabes demasiado” ou “a toda pastilla”), aínda que a súa
principal vantaxe é a posibilidade de poder levar un trivial no peto.