Nintendo anuncia novos xogos de Zelda e Yoshi para 3DS
mércores, 17 de abril do 2013
- Link poderá converterse nun debuxo animado 2D para moverse polos muros
Esta
tarde puido verse a nivel mundial unha nova
entrega de Nintendo Direct, que buscaba recompilar unha serie de novas para
a Nintendo 3DS, aÃnda que con algún que outro aceno á Wii U. Entre o máis
destacable da presentación está que a portátil de Nintendo vai contar cun novo
xogo de The Legend of Zelda ambientado
no mundo do xogo A Link to the Past (publicado
para Super Nintendo en 1992) que chegará a finais de ano e sorprenderá cunha
curiosa mecánica consistente en converter a Link nun debuxo animado para poder
moverse entre paredes e muros. Tamén déronse numerosos detalles sobre o moi
esperado Yoshi’s Island 3DS, do que
aÃnda non se coñece a data de lanzamento.
Ao estarmos no Ano de Luigi,
destacáronse algúns dos xogos nos que tomará parte o irmán de Mario, como Mario & Luigi: Dream Team Bros (no
que os irmáns deben rescatar á princesa Peach dun mundo de soños, saltando
entre o mundo real e o onÃrico, o que permitirá unhas mecánicas de xogo
orixinais e divertidas coas que poderemos gozar a partir do 12 de xullo), Mario Golf: World Tour (xogo de golf cos
personaxes dos xogos de Mario que permitirá xogar en liña contra usuarios de
todo o mundo) e un Mario Party para
3DS (que ofrecerá 81 minixogos moi variados).
A outras nova relativa a Luigi é
que os usuarios de New Super Mario Bros U
poderán descargar New Super Luigi U,
que mudará o protagonista do xogo e actualizará os seus niveis para ofrecer
unha aventura renovada que chegará no verán. Para a consola doméstica tamén
comentouse que Pikmin 3 terá un
Pikmin alado, que seguirá ao xogador e permitirá transportar obxectos polo
aire.
Durante o Nintendo Direct tamén deron conta dun par de xogos moi interesantes
que chegarán en maio: Mario and Donkey
Kong: Minis on the Move, que poderá mercarse só en formato descargable a
partir do 9 de maio; e Donkey
Kong Country Returns 3D, que adapta á 3DS o xogo do mesmo nome
aparecido en Wii, engadÃndolle interesantes novidades e que chegará ás tendas o
24 de maio.
Outro xogo que non podemos esquecer é LEGO
City Undercover: The Chase Begins, unha precuela do LEGO City Undercover para Wii U, que
chegará o 26 de abril á 3DS, e que contará as primeiras aventuras de Chase McCain
ata convertese na lenda que era no xogo de consola doméstica grazas en boa
media por atrapar a Rex Fury (unha das misións do xogo). Estará dispoñible a
partir do vindeiro dÃa 26.
Cunhas datas de lanzamento máis imprecisas (só sabemos que chegarán este ano) confirmouse
que teremos en Europa os xogos Shin Megami
Tensei IV (exclusivo para 3DS), Professor
Layton and the Azran Legacy (a derradeira historia do profesor Layton) e
incluso un impresionante xogo desenvolvido por Square Enix e que leva por
tÃtulo provisorio Bravely Default.
No ámbito do hardware, anunciouse que o 14 de xuño estará dispoñible unha
versión da Nintendo 3DS XL co motivos de Animal
Crossing: New Leaf e cunha copia do xogo preinstalada.
Con todas estas novas podemos levar a impresión de que Nintendo busca compensar
coa súa portátil as malas vendas da súa nova consola doméstica, pois está a
acumular unha importante cantidade de grandes lanzamentos para 3DS que de
seguro que adorarán os incondicionais das grandes sagas de Nintendo.
- O 14 de xuño Animal Crossing: New Leaf estrearase contando tamén cunha 3DS XL de seu
VÃdeo completo da edición desta tarde de Nintendo Direct