MovieIQ enriquecerá as películas en Blu-ray
venres, 19 de xuño do 2009
- MovieIQ permítenos consultar o casting da película que estamos a ver
El perfil 2.0
para discos Blu-ray prometía achegar toda unha serie de prestacións da Internet
ás películas, o que nun principio quedou en tímidos experimentos ata que agora Sony
Pictures Home Entertainment presenta MovieIQ, unha nova
característica para películas en Blu-ray creada grazas a Gracenote que ofrece
aos espectadores o acceso a unha base de datos cinematográfica en tempo real,
de xeito que durante a reprodución dun filme poderemos consultar o cadro de
actores, información sobre a banda sonora, curiosidades… a típica información
que teriamos en certas páxinas web especializadas en cine (coma o iMDb), pero que se verán en
pantalla de xeito contextual.
Esta nova prestación comezará a incorporarse no mes de setembro nos EE.UU. a
lanzamentos como Ángeles y Demonios, Easy Rider, Punch Drunk Love, Rápida y
mortal, Silverado e Sexo, mentiras y cintas de vídeo.
