Minecraft Education estrea unha experiencia para formar sobre un uso seguro da Internet

Co gallo do Día da Internet Segura dende Xbox anuncian un novo contido para Minecraft Education titulado CyberSafe: Good Game, que busca a aprendizaxe en materia de seguridade informática.
Estamos ante unha aventura baseada en historias dunha hora que a través de escenarios e desafíos únicos axuda aos xogadores a comprender as responsabilidades, ferramentas, respostas e estratexias que permiten interaccións saudables en liña, colaboración e experiencias dixitais gratificantes. Os xogadores poden aprender a través de situacións e emocións que se dan habitualmente en liña, sen deixar de lado a diversión dos videoxogos.