Microsoft presenta o seu Office 2010
xoves, 13 de maio do 2010
- Stephen Elop, presidente da división de empresas de Microsoft, amosando o Office 2010 en New York
Nas últimas horas Microsoft presentou oficialmente a nova versión do seu
paquete ofimático, o Office 2010, que
incorporará numerosas novidades en aplicacións de escritorio tan populares coma
Word, Excel, Outlook e PowerPoint, especialmente no tocante á súa relación coa
web, pois tamén estrean Office Web, versión en liña desta suite, que tamén completarase cunha versión móbil destas
aplicacións.
A versión en liña do Office será de balde e estrearase o vindeiro 15 de xuño, mentres
que a versión móbil está xa dispoñible para terminais equipados co Windows
Mobile 6.5, estando en preparación unha versión para Windows Phone 7 que sairá
a finais de ano (cando saia a nova versión do sistema operativo móbil de
Microsoft). Estas ferramentas tamén estarán dispoñibles para certos móbiles de
Nokia, mentres que o resto de smartphones
do mercado (coma o iPhone) poderán achegarse aos documentos de Office a través
da súa versión web.
O Office 2010 destaca pola súa boa integración con Windows 7, pero tamén pola
súa orientación á Internet e ás posibilidades de colaboración en liña. Na presentación do
produto realizada por Microsoft en New York puideron verse exemplos de uso
do Office 2010, como a retransmisión dunha presentación de PowerPoint a través
da web, dando a impresión de que a compañÃa de Redmond está a protexerse de
Google Docs, solución web de balde que poderÃa erosionar o mercado das
aplicacións ofimáticas de escritorio.
Dende Microsoft teñen claro que a versión web do seu Office busca só achegar
funcións básicas de edición e compartición de documentos, de xeito que o
usuario final poida experimentar un mellor uso coa aplicación de escritorio,
que deberÃa ter un valor engadido que xustifique a súa compra.
A versión corporativa de Office 2010 está xa dispoñible, mentres que os
usuarios domésticos poderán facerse coa mesma a partir do mes de xuño, aÃnda
que os consumidores que adquirisen Office 2007 despois do 5 de marzo poderán
gozar dunha actualización a Office 2010 de balde.