Microsoft anuncia os xogos que darán forza á Xbox One
luns, 10 de xuño do 2013
Tras a presentación da
Xbox One o pasado 21 de maio, Microsoft quixo aproveitar a celebración do
E3 para deixar o hardware a un lado e centrarse nos xogo, presentando un dos
catálogos máis prometedores que pode presentar unha nova consola de videoxogos
nos seus comezos, con bastantes tÃtulos exclusivos e interesantes servizos
asociados. A compañÃa de Redmond xuntou a máis de 5.000 asistentes no Galen
Center de Los Angeles (aos que hai que sumar a millóns de usuarios que seguiron
o evento a través de streaming) para
deixar claro que, aÃnda que na súa anterior presentación desen a impresión de
que a nova consola quere ser o corazón multimedia do fogar, non esquecen a
funcionalidade principal deste tipo de dispositivos: o xogo.
- Ryse: Son of Rome será un dos grandes xogos exclusivos de Microsoft
Phil Spencer, vice presidente corporativo de Microsoft Studios, foi un dos
encargados de amosar
os xogos que queren converter á Xbox One nunha das plataformas máis atractivas
para xogar, cunha grande variedade de tÃtulos entre os que figuran grandes
exclusivas, novas franquÃas e grandes producións que buscan debuxar o escenario
de xogo durante o que resta de década.
Entre os xogos amosados no evento figuran: Ryse:
Son of Rome, aventura épica que introduce ao xogador en batallas da antiga
Roma nas que poderemos dar ordes mediante a voz grazas a Kinect; Forza Motorsport 5 levará os xogos de
carreiras un paso máis adiante ao aproveitar a potencia da nube para que a
intelixencia artificial sexa moi semellante ao comportamento humano e con
numerosas melloras para o xogo en liña; Dead
Rising 3 é un xogo de zombis que chegará en primicia para a Xbox One,
converténdose nunha das súas grandes bazas, e que desta volta levará o número
de inimigos en escena a niveis nunca vistos; Project Spark achegará un xogo de mundo aberto que poderán
construÃr os usuarios para despois xogalos en liña; e Sunset Overdrive sorprendeu como un shooter de mundo aberto elaborado por Insomniac Games. Tamén serán
exclusivas de Microsoft os xogos Quantum
Break, Below, Crimson Dragon, D4, Killer Instinct, LocoCycle,
Powerstar Golf, Zoo Tycoon e Kinect Sports
Rivals, aÃnda que hoxe tamén deixaron ver algúns xogos multi-plataforma
como The Witcher 3: Wild Hunt, Battlefield 4 e Metal Gear Solid V: The Phantom Pain.
Dead Rising 3 será unha das grandes exclusivas de lanzamento para Xbox One
Unha das grandes apostas de Microsoft, grazas á súa estreita relación con
Electronic Arts, será o xogo Titanfall,
no que amosarán combates futuristas de grande intensidade, e que será exclusivo
para Xbox One, Xbox 360 e PC.
Spencer tamén presentou un trailer de adianto de Halo Xbox One, capÃtulo da saga Halo
que será desenvolvido por 343 Industries e que chegará en 2014 iniciando un
novo ciclo na franquÃa do Xefe Mestre.
VÃdeo de Halo Xbox One
- A Xbox One permitirá editar vÃdeos cos nosos logros para compartilos
Marc Whitten, xefe de produto, tamén apareceu no escenario para
dar conta algúns detalles adicionais da Xbox One, como a súa integración na
nube, os logros expandidos, a posibilidade de crear partidas en liña seguindo
criterios determinados (como nivel de xogo, idioma e reputación), o uso de
SmartGlass e, moi especialmente, as funcións sociais da nova consola, que
permitirá gravar partidas, poder editar vÃdeo coas gravacións para a súa publicación
e incluso a incorporación de Twitch, plataforma que facilitará a emisión de
partidas en vivo (prestación amosada cunha franquÃa de xogos de loita que prepara
a súa volta: Killer Instinct).
Microsoft tamén facilitará as compras de contidos dicindo adeus aos Microsoft
Points e adoptando a moeda local, de xeito que poderemos comprar xogos e DLC en
euros.
Un dos detalles sobre a Xbox One que deron durante o evento de hoxe foi o prezo
da consola, que será de 499 euros, incluÃndo 14 dÃas do servizo Xbox LIVE Gold
e contando cunha edición limitada para os usuarios que reserven (dende hoxe) a
consola, conseguindo non só unha consola cunha aparencia diferente, senón tamén
contidos adicionais para os xogos Ryse:
Son of Rome, Forza Motorsport 5, Kinect Sports Rivals e Dead Rising 3.
- Twitch facilitará a retransmisións de partidas en vivo
O novo de Insomniac Games tamén se deixou ver na presentación de Microsoft
Tras máis dunha década de ausencia resucitan a franquÃa Killer Instinct