Microsoft abre a feira de videoxogos de Colonia
luns, 21 de agosto do 2017
AÃnda que a feira de videoxogos Gamescom de Colonia está programada entre os dÃas 22 e 26 de agosto, Microsoft ten por costume adiantarse, sendo a primeira compañÃa en realizar anuncios no marco do encontro internacional, que este ano tiña especial interese xa que a finais de ano chegará ás tendas a Xbox One X, e esperábase que a compañÃa de Redmond aproveitase a ocasión para dar detalles ao respecto, como ben fixo onte.
Novas consolas e mandos
A nova consola sairá á venda o 7 de novembro a un prezo de
499,99 euros, pero para os máis entusiastas da familia Xbox abriuse
xa a reserva da Xbox One X Edición Project Scorpio, edición limitada da
Xbox One X que presenta un deseño personalizado (ten impreso Project Scorpio na consola e no mando,
deixando claro que é unha das primeiras unidades da nova máquina). A consola
tamén inclúe soporte vertical e non só presume de ter un 40% máis de potencia
que outra consola do mercado, senón que tamén se diferencia claramente da PS4
Pro por incorporar no seu lector de discos Blu-ray a posibilidade de reproducir
filmes en formato Blu-ray 4K (algo do que prescindiu a consola de Sony).
Pero para moitos a grande sorpresa da presentación de Microsoft foi que o 3 de
outubro vai pórse á venda unha
edición limitada da Xbox One S inspirada no xogo Minecraft, que incorporará un disco duro de 1 TB, sons
personalizados de inicio e apagado, soporte vertical, o xogo Minecraft co pack Restone e cunha
aparencia externa moi peculiar que fai que a consola pareza uns bloques de
terra e herba do propio xogo. Tamén inclúe un mando sen fÃo co deseño Creeper (que tamén poderá mercarse
por separado a un prezo de 69,99 euros, existindo tamén unha versión
do mando inspirada nos porcos de Minecraft).
A consola pode reservarse xa a un prezo de 399,99 euros.
Outra edición especial da Xbox One S que estará dispoñible é a do xogo Tierra Media: Sombras de Guerra, que sairá
á venda o 10 de outubro a 279,99 euros con 500 GB de disco duro e a
349,99 euros con 1 TB de disco duro. En ambos casos inclúe o xogo baseado
na franquÃa de Tolkien compatible con Xbox Anywhere (ou sexa, que tamén estará
dispoñible para a súa instalación en Windows 10 sen recarga).
No que respecta aos mandos de Xbox One, non só se anunciaron os novos mandos de
Minecraft, senón que tamén
confirmouse que o programa Xbox
Design Lab que permite personalizar cas cores dos distintos elementos dos
mandos conseguindo máis de 8 millóns de combinacións chegará a 24 novos paÃses
entre os que figura España. O lanzamento deste servizo de personalización de
mandos está previsto que bote a andar nos novos territorios hoxe mesmo ás 21:30
horas.
Novidades relativas a videoxogos
Pero Microsoft non limitou as novidades ao hardware, e aproveitou a cita europea para presumir de catálogo de xogos para Xbox e Windows 10, dos que unha boa parte gozarán de xogo cruzado entre ambas plataformas (como serán Age of Empires: Definitive Edition, Forza Motorsport 7, Crackdown 3, Super Lucky’s Tale e Sea of Thieves). Presentaron novos detalles de Assassin’s Creed Origins (xogo que chegará ao mercado o 7 de novembro), detallaron que Halo Wars 2: Awakening the Nightmare chegará o 26 de setembro contando con optimización para Xbox One X no seu lanzamento (soportando 4K e HDR), confirmaron que Halo 5: Guardians recibirá no Nadal o soporte de 4K e avanzaron pequenos detalles doutros xogos como desculpa para dar conta de que contarÃan con soporte de 4K e HDR na nova Xbox One X, máquina que busca converterse na referencia do mercado a nivel gráfico.