Marcelino Fernández Mallo, socio director de Sphenia, intervén no primeiro dos debates Galicia en clave económica
martes, 18 de xuño do 2013
A
Deputación
de Lugo e Economía Dixital, coa colaboración do Grupo El Progreso,
celebran
este
mércores 19 de xuño o primeiro dos debates incluído no ciclo
Galicia
en clave económica,
unha serie de cinco
encontros de participación gratuíta dirixidos
a achegar reflexión e divulgación sobre diversas cuestións de
importancia social, económica e cultural para a nosa terra. Nestas
xeiras participarán unha vintena de expertos galegos dos devanditos
ámbitos, comprometéndose a facer unha “unha
análise rigorosa e profunda da situación socioeconómica na que se
atopa
arestora
o país”,
sinalan
as entidades organizadoras. O debate deste mércores, previsto para
as 19.30 horas no salón de actos do Pazo de San Marcos,
desenvolverase baixo o epígrafe En
busca dun modelo
e contará, entre outros, cun vello coñecido de Código Cero:
Marcelino Fernández Mallo.
Lembrar que Fernández Mallo é escritor, economista e socio director da firma Sphenia,
consultora TIC da que falamos recentemente para informar das
súas achegas innovadoras para tirarlles partido ás redes a nivel
empresarial.
Amais,
intervirá Fernando González Laxe (ex presidente da Xunta e
catedrático de Economía Aplicada da Universidade da Coruña),
Emilio Pérez Nieto (presidente da Asociación Galega da Empresa
Familiar) e Xoán Carmona Badía (catedrático de Institucións
Económicas da Universidade de Santiago de Compostela). Xuntos
analizarán
as potencialidades sen desenvolver da economía galega, os sectores
emerxentes e as apostas decididas para consolidar un modelo
produtivo, tratando de responder se Galicia ten un modelo económico:
o naval, a agroalimentación, a enerxía, unha mestura de sectores.