Mañá bota a andar Vota tus Juegos

Esta semana bota a andar a nova iniciativa de Sony para dinamizar os xogos incluídos coa subscrición de PlayStation Plus, facilitando que os usuarios poidan elixir os títulos que se ofrecerán cada certo tempo. Para iso, este xoves ás 17:30 horas e até o luns 24 de agosto ás 17:30 horas estará aberto o procedemento de Vota tus Juegos, para que os subscritores de pagamento de PS Plus poderán elixir entre tres títulos distintos, de xeito que o conte con máis apoios ofrecerase dentro do programa PlayStation Plus, mentres que o resto pasarán a ofrecerse aos subscritores a un prezo rebaixado.
Para poder votar é preciso ser usuario de PS Plus e, ao iniciar sesión na PlayStation 4 ir á sección de Novidades, Notificacións ou PlayStation Store para poder elixir o xogo preferido dentro da votación, podéndose mudar a selección durante todo o tempo que estea aberto o proceso de Vota tus Juegos.
Os primeiros títulos entre os que se poderá elixir un son a aventura de capa e espada con toques de rol Armello, o xogo de plataformas e acción Grow Home e o brawler cooperativo Zombie Vikings. Podemos ver os xogos en acción no seguinte vídeo: