Mad Catz presenta un completo volante de carreiras para Xbox One

Un dos accesorios máis demandados polos afeccionados aos xogos de conducións son os volantes de calidade, e de cara ao lanzamento da Xbox One de Microsoft poden estar tranquilos, pois o fabricante de accesorios Mad Catz fixo os deberes e durante a celebración da Gamescom en Colonia presentou o Force Feedback Racing Wheel para a nova consola.
Este novo volante contará con 2 motores de Force Feedback e pedais, podendo axustarse os seus elementos para un uso confortable que permitirá que xogos como Forza Motorsport 5 poida gozarse en todo o seu esplendor, aínda que por un prezo non desvelado e que previsiblemente non será reducido (accesorios semellantes para a Xbox 360 superan os 125 euros).