Iniciador Galicia celebra o seu segundo aniversario
mércores, 20 de abril do 2011
Tras 2 anos
de andaina, superando os 25 eventos, 1.200 asistentes, 1.700 seguidores en
Twitter, 350 seguidores en Facebook e 400 seguidores en LinkedIn, Iniciador
Galicia vai celebrar o vindeiro 6 de maio en EXPOCoruña un especial
evento baixo o lema de Work hard, party
hard, no que van combinar 2 relatorios e 1 mesa redonda cunha festa á
que agardan a asistencia dos moitos seareiros desta serie de encontros de
emprendedores tecnolóxicos que estase a consolidar como un referente galego.
A xornada principiará ás 18:00 horas, cunha presentación do evento, ao que
seguirán os relatorios de Diego Mariño,
fundador da plataforma de cloud computing
Abiquo e embarcado actualmente en Few Ducks (empresa de desenvolvemento de
produtos SaaS como Ducksboard), e Miguel
Silva, co fundador e vicepresidente de Blusens.
Despois terá lugar unha interesante mesa redonda sobre a Innovación desde Galicia, na que participarán un representante
sorpresa de R, Antonio MuÃños (Portomuiños)
e Iago Soto (Quobis).
Para rematar, ás 21:15 horas está previsto que comece a festa que servirá para tecer
relacións sociais entre os distintos participantes no que habitualmente se
coñece como networking, e que é un
dos principais valores deste tipo de eventos presenciais.