Huawei alcanza o récord de velocidade de transmisión de datos na rede GSM/EDGE

Huawei, a compañía provedora de solucións de rede de telecomunicacións de última xeración para operadores de todo o mundo, vén de anunciar o establecemento dun novo récord de velocidade de transmisión de datos en redes GSM-EDGE (Enhanced Data rate for GSM Evolution), promediado en 564 Kb/s nun test realizado recentemente con tecnoloxía DLDC (DownLink Dual Carrier).
Este récord de velocidade, dúas veces máis rápido que o existente en redes EDGE, permítelle aos operadores incrementar “de maneira eficiente” a capacidade da rede de datos e proporcionar unha experiencia 3G a moitos usuarios GSM, tales como servizos de datos móbiles de alta velocidade incluíndo trasmisión de vídeos en directo ou vídeo baixo demanda (VOD).
Segundo informan dende a compañía, a tecnoloxía EDGE “mellora significativamente a experiencia de usuario grazas a transmisións de datos máis rápidas, mellor calidade do servizo (QoS) e unha menor latencia da rede”.
A innovadora solución EDGE+ de Huawei, por outra banda, permite aos operadores de GSM migrar as súas actuais redes EDGE a EDGE+ sen problemas, de forma rápida e a un custo efectivo simplemente actualizando o software, permitindo a evolución futura a 3 GR e posteriores sistemas sen engadir hardware adicional.
Utilizando as bandas de frecuencia GSM existentes, a tecnoloxía EDGE+ de Huawei proporciona unha cobertura de datos móbiles de alta velocidade sen fisuras e é unha das primeiras redes de 3 G que fai posibles que os móbiles reciban streaming a tempo real dende Internet cunha baixa latencia. EDGE+ pode xestionar os servizos móbiles de banda ancha de alta velocidade sobre redes de datos HSPA+/LTE para asegurar a continuidade e dispoñibilidade dos servizos de datos móbiles. EDGE+ protexe do mellor modo o 2 G OPEX das operadoras e aumenta o ingreso medio por usuario (ARPU) de redes 2 G.