Orixinal concurso de fotografía para os seareiros de Guitar Hero
venres, 26 de xuño do 2009
Coincidindo co lanzamento
da terceira entrega de Guitar Hero
para Nintendo DS, que saíu hoxe mesmo á venda, a súa firma distribuidora,
Activision, vén de
convocar un orixinal concurso no que, a pesar de ter que ver con
videoxogos, o gañador pode non ter nin idea de xogar a eles ou sequera ter
visto antes unha consola por diante (cousa difícil que pase hoxe en día); tan
só deberá ser fotoxénico ou orixinal á hora de fotografar un motivo concreto:
unha escea de alguén tocando Guitar Hero
on Tour coa súa Nintendo DS.
As persoas participantes
deberán colgar unha foto na web oficial do videoxogo para que poida ser
sometida á votación dos usuarios, que valorarán a súa favorita de entre as máis
divertidas e orixinais.
O premio, como era de
agardar, consiste unha consola Nintendo DS con un Guitar Hero on Tour Modern Hits asinado pola banda Pereza, que
agora que estamos en tempada de comuñóns venlle moi ben a calquera que teña
sobriños, primos ou amigos en idade de pedir todo canto ven.
O Guitar Hero On Tour: Modern Hits, a terceira entrega de Guitar Hero para Nintendo DS, sae ao
mercado repleto de novidades de xogabilidade, onde o importante, segundo
afirman os seus responsables, “non é a
música, senón que o xogador gañe protagonismo á hora de decidir como quere
avanzar na súa carreira musical”.
Grazas ás peticións dos
fans, que se van desbloqueando e que presentan multitude de retos, o xogador
poderá escoller que cancións quere tocar e que desafíos quere afrontar. Cada
vez que se supera unha canción, esta misma desbloquearase como unha petición
para xogar á guitarra, ao baixo ou como duelo; neste último caso, o fan pídelle
ao xogador que supere certa dificultade, como tocar máis de 100 notas seguidas
ou empregar máis de oito ataques no modo duelo, que deberá superar para poder
acceder a novos contidos e tocar en escenarios máis importantes.
O listado definitivo de
cancións de Guitar Hero On Tour: Modern
Hits está composto por 28 temas pop-rock dos últimos cinco anos e de
algunhas das bandas máis exitosas do momento como Coldplay, Fall Out Boy, Avril
Lavigne, Franz Ferdinand, Kaiser Chiefs ou Kinas of Leon.