Google renova o seu buscador de imaxes
mércores, 21 de xullo do 2010
O buscador de imaxes
de Google superou os 10.000 millóns de imaxes indexadas, o que celebran renovando
o servizo, de xeito que as imaxes cobran un maior protagonismo que o
texto e resulta máis sinxelo ver varias imaxes á vez (ao colocar o cursor sobre
unha imaxe, esta aumenta de tamaño e amósase a información sobre a mesma) e non
é preciso cambiar de páxina para seguir vendo imaxes (ata un total de 1.000
nunha única páxina de desprazamento). Este cambio está a propagarse polos distintos
servidores de Google, de xeito que deberÃa chegar a España en breve.
Esta renovación de Google Images tamén busca un novo xeito que rendibilizar
economicamente o servizo, cun novo formato publicitario chamado Image Search Ads, que só aparecerán
neste apartado do buscador, e que destacarán sobre fondo amarelo na parte
superior dos resultados de busca.
- O redeseño estrea un novo formato publicitario