Google Chrome chega aos 2 anos de vida

Aparencia actual de Google Chrome

Aproximadamente cada 6 semanas a xente de Google lanza unha nova versión estable do seu navegador web, oficializando así as distintas innovacións que van incorporando ao mesmo, e coincidindo co 2º aniversario de Google Chrome botan a vista atrás e fan repaso dos múltiples cambios que experimentou a aplicación pasiño a pasiño.
O Google Chrome non só mellorou considerablemente o seu rendemento en 2 anos, senón que tamén estreou versións para Mac e para Linux, incorporou temas para o navegador, administrador de contrasinais, máis controis de privacidade, tradución automática, sincronización de varios axustes, extensións… e incluso chegou a integrar o Adobe Flash Player (para manter actualizado este elemento que, de non estar ao día, pode ser unha importante fenda na seguridade do sistema).