GOG.com celebra as rebaixas de verán regalando o xogo Torchlight

GOG.com, plataforma de venda de videoxogos sen protección DRM (coñecida anteriormente polo nome de Good Old Games), comeza as súas ofertas de verán, e para dalas a coñecer e achegar así a novos usuarios á súa tenda en liña ofrecen totalmente de balde por tempo limitado o popular xogo Torchlight de Runic Games, que é todo un referente do xénero de RPG de acción (estando considerado como o principal rival de Diablo). Fóra de oferta este xogo véndese a un prezo de 14,99 dólares.

Os xogos de Alan Wake teñen un 90% de desconto por tempo limitado

Outras importantes promocións vixentes en GOG.com serían os xogos da franquía Alan Wake, que hai pouco formaron parte dun Humble Bundle, cun 90% de desconto (quedando en só 4,48 dólares) e un importante lote de xogo de Dungeons and Dragons (con títulos das series Baldur’s Gate e Neverwinter Nights entre outros) cun 80% de desconto, ou sexa 10 xogos por 21,10 dólares.
Tamén poden adquirirse cun 50% de desconto os títulos Divine Divinity, Planescape Torment, SimCity 2000, Resonance, Carmageddon, Neverwinter Nights, Freespace 2, The Witcher 2 e Alpha Centauri.

Vídeo da promoción na que ofrécese o xogo Torchlight de balde