Ferrol acollerá o 3º Hack Meeting (GNU/Linux)

Durante a última fin de semana de abril celebrarase no Ateneo Ferrolán o 3º Hack Meeting organizado pola Unión Libertaria, e que tratará distintos temas relativos ao software libre baseado en GNU/Linux.
O sábado 26 presentaranse as xornadas ás 11:00 horas, para continuar cunha Install Party e, durante a tarde trataranse temas coma a edición gráfica (con ferramentas coma GIMP, Inkscape ou Scribus) e as ferramentas libres para o streaming de audio e vídeo.
O domingo 27 a reciclaxe de ordenadores (coma terminais lixeiros), detalles sobre o hardware informático e a edición de vídeo con Cinelerra pecharán este encontro de acceso libre ao que os asistentes deberán levar os seus propios ordenadores para probar en vivo o que alí se trate.