Creative superou en Europa a liña do millón de reprodutores Zen Stone comercializados

O lecer dixital ábrese camiño nos nosos petos e bolsos arramplando con todo: bolsiñas de panos de papel, caderniños de notas, tarxetas de presentación, axendas, etc. Nas empresas que se dedican a deseñar, desenvolver ou importar gadgets reprodutores multimedia as gráficas de vendas e ingresos adoitan a ser coma a subida ós Picos de Europa, e aproveitan calquera ocasión para facercho saber. Un exemplo disto é o informe acabado de lanzar por Creative no que se sinala a cifra de comercialización en Europa dos seus aparellos MP3 de lecer dixital Zen Stone, dos que se levan distribuído xa un millón de exemplares.
Sinalar que os Zen Stone foron presentados o pasado verán no mercado, detalle a ter en conta posto que reflicte un fenómeno, o das vendas en alza a tempo completo, experimentado nun período de tempo curto abondo.
Para Dennis Dress, director europeo de Vendas de Creative, as razóns do éxito teñen que ver co feito de ter aproveitado a oportunidade única que se lle brindaba. Algo así como tirar partido do mellor dos intres posibles para o lanzamento: “Xusto antes de de poñelo no mercado europeo vimos que este estaba preparada para un reprodutor compacto destas características, estilizado, sinxelo de empregar e cunha gama extensa de cores”. E prosegue: “Fabricamos un Zen Stone moi asequible, situándoo como a primeira elección para os usuarios cun orzamento axustado ou para novos usuarios, e converténdoo no segundo ou terceiro reprodutor para os seareiros do lecer dixital e da música máis experimentados”.