Cazan a BlackBerry chiando dende un iPhone
martes, 13 de xaneiro do 2015
Nun momento no que BlackBerry está a esforzarse para
intentar recuperar o favor do público, repítese unha anécdota recorrente, e ao
igual que hai un par de anos, ou pouco de que a artista Alicia Keys fose
nomeada como directora creativa global da compañía canadense cazábana publicando chíos dende o seu iPhone, agora
é a
propia conta oficial de BlackBerry en Twitter a que publica unha mensaxe a
través dun iPhone e, ao decatarse da metedura de zoca, borrárona,
intentando eliminar o rastro (o que ten demostrado ser unha táctica moi pouco
efectiva).
Dado que o último BlackBerry Classic conta cun teclado QWERTY, que parece un xeito
máis que axeitado para redactar contidos para Twitter, resulta especialmente
grave que o responsable de administrar as redes sociais de BlackBerry empregue
un dispositivo da competencia.
Cómpre destacar que este tipo de erros tenden a ser consecuencia da ignorancia
de moitos traballadores no mundo da comunicación corporativa, que non son
conscientes de que existen infinidade de clientes de Twitter, e moitos deles
amosan claramente o cliente de Twitter empregado para publicar as mensaxes, de xeito
que podemos saber se unha publicación se realizou dende a web, dende o
escritorio ou dende unha aplicación móbil en concreto (que no caso en concreto
era “Twitter para iPhone”).