Botan a andar na Coruña os obradoiros stop motion Super Mario
martes, 28 de decembro do 2010
Na mañá deste luns, a sede
coruñesa da Fundación Caixa Galicia acolleu a apertura do primeiro Obradoiro stop motion Super Mario,
un evento que repetirase os dÃas 28 e 29 de decembro (de 12:00 a 14:00 horas) e
3, 4 e 5 de xaneiro (de 18:00 a 20:00 horas), que permiten aos nenos galegos aprender
os fundamentos da imaxe en movemento e a animación, descubrindo as semellanzas
entre as expresións artÃsticas da hai milleiros de anos e as actuais (establecendo
unha analoxÃa entre os mosaicos e as imaxes formadas por pÃxeles), podendo
incluso participar no desenvolvemento dunha pequena animación empregando a
técnica do stop motion e que ao
remate da actividade publicarase na canle de Caixa Galicia en
YouTube e na páxina
da Fundación Caixa Galicia en Facebook.
Os responsables deste obradoiro ensinan aos participantes a enfrontarse ás
mesmas dificultades que tivo Shigeru Miyamoto para crear un Mario en movemento
mediante a técnica da cronografÃa inventada no século XIX por Eadweard
Muybridge. Os cativos deberán que empregar distintos elementos para recrear as
probas que ten que superar Super Mario nos seus xogos, tirándolle unha
fotografÃa a cada paso, para que ao dar velocidade ás imaxes sucesivas teñamos
a sensación de ver movemento, cobrando vida o personaxe. Tamén poden colorear
eles mesmos ás figuras ás que despois darán vida, nunha actividade amena e
instrutiva.
Os interesados en participar no Obradoiro
stop motion Super Mario deberán confirmar a súa asistencia
contactando con Begoña Blanco por teléfono (608 96 95 05) ou a través do correo electrónico.
Esta actividade está enmarcada na exposición
Super Mario: 25 anos, unha retrospectiva dos xogos do fontaneiro máis
coñecido do mundo, na que os visitantes poderán gozar de xogos coma o Donkey Kong orixinal (primeira
aparición de Mario co nome de Jumpman) ata os actuais New Super Mario Bros Wii e Super Mario Galaxy, pasando polo
revolucionario Mario 64 (rechamante
pola recreación dun mundo aberto en 3D). Toda unha experiencia que servirá para
lembrar vellos tempos (no caso dos visitantes de maior idade) ou para coñecer
as orixes que deron lugar ao personaxe máis querido e coñecido do mundo dos
videoxogos.