Betabeers Galicia volve á Coruña a semana que vén
xoves, 5 de decembro do 2013
Dous meses despois de pasar polo espazo
de coworking de WekCo na Adva.
Novo Mesoiro da Coruña, Betabeers Galicia repetirá enclave na súa novena
edición o vindeiro día 12 ás 20:00 horas, cando Álex Rodríguez, entusiasta da
realidade aumentada e desenvolvedor FrontEndt e de aplicacións móbiles, impartirá
un relatorio sobre a realidade aumentada en HTML5.
Tras o relatorio central da xornada, presentaranse un par de proxectos: Lupeon
e Signedoc. Lupeon é unha empresa compostelá
de impresión 3D que amosarán aos asistentes os seus promotores, Luís Mandayo e Adrián Sánchez. Pola súa banda, Brais Méndez dará a coñecer o seu
proxecto Signedoc, que hai pouco
presentouse a Vindeira Capital Network, e ofrece un servizo de
sinatura electrónica de documentos.
- Reinaldo Aguilera é un dos organizadores do evento
O encontro formal rematará ás 21:30 horas, cando os asistentes trasladaranse a
un local de hostalería próximo para pechar a xornada coa compoñente de networking que pon as beers a esta serie de eventos que
percorren a nosa xeografía e están orientados a desenvolvedores de páxinas web
e aplicacións móbiles e contan cos emprendedores Reinaldo Aguilera, Alberto Basalo e Juan Diego Pereiro Arean na súa
organización.
Por limitación de aforo é preciso inscribirse
vía web ao evento para poder participar no mesmo.
