Anuncian o cadro de relatores para a vindeira edición de LGx15
luns, 9 de outubro do 2023
A Coordinadora de Traballadores/as de Normalización da
Lingua (CTNL) organiza un ano máis unha edición de LGx15, un espazo de reflexión sobre o futuro da
lingua galega que tira proveito da Rede para levar a súa mensaxe ao amplo público
e que desta volta gravarase no Teatro Principal de Pontevedra o sábado 28 de
outubro a partir das 19:00.
A gala do LGx15 contará coa presentación (e participación) da actriz Neves RodrÃguez, a animación musical
de Xiao Berlai, e a participación a través de
distintos relatorios do docente Paco
Veiga, de Carlos Airas,
a tradutora Magdalena Sánchez, o debuxante,
editor e humorista gráfico Kiko da Silva
e o youtubeiro Fran da Lobeira,
da canle A Lobeira Today, quen
abordará na súa intervención a normalización lingüÃstica con YouTube.
As experiencias, os argumentos, as opinións, as propostas, as reflexións e, en
definitiva, as ideas que se compartan en Pontevedra para o futuro da lingua
poderán verse máis adiante a través da canle de YouTube da CTNL, onde
podemos ver tamén intervencións pasadas como a de Alba Mancebo reflexionando
sobre a importancia de contar historias en galego na Rede, o relatorio de Agos Reigosa sobre a feble
posición que ten o galego na Internet (coa esperanza de que crear comunidades
e publicar contidos na nosa lingua é posible) ou mesmo a exposición do enxeñeiro
informático Isaac González sobre a situación do galego partindo dunha
explicación sobre o funcionamento da intelixencia artificial.