Acordo entre as operadoras para impulsar a tecnoloxía NFC

Movistar, Vodafone e Orange asinaron un acordo de colaboración para favorecer o desenvolvemento da tecnoloxía NFC (Near Field Communications) móbil en España, procurando a máxima compatibilidade e homoxeneidade tanto na experiencia do cliente como na tecnoloxía empregada para simplificar a adopción dos servizos NFC por parte de clientes, terceiras empresas e provedores de tecnoloxía.
As 3 operadoras promoverán o uso da tarxeta SIM dos móbiles como elemento de seguridade nas transaccións con NFC, como para realizar pagamentos en proximidade ou acceder a medios de transporte e eventos.
A cooperación entre as operadoras dará lugar a un ecosistema estable que evite a fragmentación do mercado e estará aberta á adhesión doutras compañías que desexen camiñar na mesma dirección.