Ábrese a preinscrición para a V edición de Uxianet
martes, 4 de novembro do 2014
A pasada noite abriuse a inscrición para a V edición
da Uxianet, a LAN party que xuntará a numerosos seareiros da informática e
a tecnoloxía en xeral na Casa Da Xuventude en Ribeira, que terá que asumir o
reto de manter a marca fixada pola convocatorio de 2013, na que o número de
asistentes chegou ao seu máximo, conseguindo crear un ambiente moi familiar
entre os participantes.
Está LAN party conta cunha rede local a 1 Gbps para conseguir que todo funcione
á meirande velocidade posible, contándose con conexión á Internet durante as
máis de 60 horas nas que transcorrerá o encontro que completarase con
relatorios e obradoiros.
A V Uxianet celebrarase entre os días 14 e 16
de novembro, e aparte das actividades nas que instruirán aos interesados sobre
a creación de aplicacións para móbiles e/ou ordenadores, a seguridade
informática ou o hardware aberto, entre outros temas, tamén acollerá torneos de
xogos como League of Legends, Hearthstone, Trackmanía, Call of Duty:
Modern Warfare, UltraStar e algúns
mini-xogos. Nos vindeiros días irán completando a axenda deste interesante
evento para a mocidade galega.