Ábrese a inscrición a Xuventude Galicia Net 2016
martes, 16 de agosto do 2016
Entre os días 9 e 11 de setembro o os pavillóns 1 e 2 da
Feira Internacional de Galicia Abanca en Silleda volverán a acoller a
celebración de Xuventude
Galicia Net, encontro para a mocidade galega afeccionada ao lecer
electrónico, que esta mañá abriu a
súa inscrición a través da plataforma de venda de billetes de Abanca,
estando aberto o proceso de compra de entradas até o 5 de setembro ás 12:00 horas e sendo preciso
aboar 20 euros para poder gozar dun posto con conexión de alta velocidade á
Internet para o equipo informático do usuario e ter dereito a acampar no
interior do pavillón no que se sitúa a LAN
party.
Polo momento este encontro impulsado pola Dirección Xeral de Xuventude,
Participación e Voluntariado ten confirmada a celebración de torneos dos xogos League
of Legends,FIFA 16, Counter Strike: Global Offensive e HearthStone,
aos que acompañarán moitas actividades paralelas de distinta índole para animar
os tres días que dura este encontro que contará cun acceso á Rede de 2 Gbps
simétricos para garantir unha boa experiencia de xogo en liña.