A galega Ideaspropias lanza unha aplicación para iOS
mércores, 15 de decembro do 2010
Ideaspropias Editorial, entidade galega especializada
na formación multisoporte que pon os seus
máximos esforzos na achega de innovación para, segundo din, “adiantarse ás esixencias do mercado”, vén
de lanzar unha aplicación para iPhone e iPod Touch- que lle permite aos seus
usuarios estar á orde do día en todo o relativo á lectura e non quedar
obsoletos conforme pasan os meses e as TIC modernizan o sector.
A ferramenta é moi doada de empregar e baséase
nunha navegación intuitiva que permite descargar o catálogo da editorial totalmente
de balde dende a categoría Libros da
App Store.
A aplicación, que se pode descargar en
español dende hai uns días, permite acceder a toda a información sobre os
libros, e-books e solucións de formación
e-learning de Ideaspropias Editorial.
Con esta ferramenta virtual, as persoas
usuarias poderán coñecer a través de cadanseus dispositivos electrónicos as
novidades editoriais que hai dispoñibles na tenda en liña, e adiantarse aos
futuros lanzamentos da editorial antes de que cheguen aos catálogos impresos. O
desenvolvemento desta ferramenta enmárcase na estratexia de innovación de
Ideaspropias Editorial e supón un paso adiante na inclusión do sector na
sociedade da información.