A feira IBC de Amsterdam contou con forte presenza galega

Itelsis contou con expositor propio na presente edición da feira IBC

Entre os días 12 e 16 de setembro celebrouse en Amsterdam a International Broadcasting Convention (IBC), feira de telecomunicacións e audiovisual de grande importancia global na que asistiron máis de 45.000 profesionais de todo o mundo, e na que non faltou a presenza galega, con compañías coma o operador público Retegal, os fabricantes Televés, Egatel e Itelsis, (contando estes dous últimos cun expositor de seu) e os membros do Clúster Audiovisual Galego.
A Secretaría Xeral de Comunicación da Xunta de Galicia tamén participou no evento representada na figura do director xeral de Comunicación Audiovisual, Manuel Fernández Iglesias, quen visitou os expositores de Egatel e Itelsis, compañías que amosaron en Amsterdam os seus equipos gapfiller que se empregaron no plan piloto de despregue da TDT no concello lugués da Fonsagrada. Estes equipos constitúen unha solución pioneira a nivel mundial e foi desenvolvida integramente en Galicia.

O director xeral de Comunicación Audiovisual, Manuel Fernández, xunto ao representante de Egatel.