A aplicación de consultas profesionais Appvisor estrea versión para Android
luns, 14 de xaneiro do 2013
A primeiros de
xuño de 2012 presentábase oficialmente Appvisor, unha aplicación móbil para
dispositivos iOS desenvolvida en Galicia que facilita a realización de
consultas a un panel de expertos con garantÃas de profesionalidade e
confidencialidade, vén de estrear versión
para dispositivos con Android 2.2 ou superior, ampliando dun xeito moi
importante o público obxectivo deste servizo en liña.
Con Appvisor os usuarios poden empregar o seu smartphone para realizar
consultas de ámbitos como o dereito, a empresa, o deseño ou a saúde, que van
ampliándose paulatinamente segundo van incorporándose novos expertos, polo que
estamos ante unha solución con moito potencial, que como principal atractivo
ten a posibilidade de realizar consultas dun xeito áxil en calquera lugar onde
sexa posible conectarse á Rede, á vez que goza dunhas tarifas que van en
función da profundidade desexada na resposta (5,99 euros para unha consulta
breve, 12,99 euros para unha consulta avanzada e 29,99 euros para un informe).
Cómpre destacar o feito de que as consultas non só poden remitirse en formato
texto, senón que tamén poden acompañarse con gravacións sonoras, ligazóns e
imaxes (tanto da galerÃa do móbil como captada ao momento coa cámara).