A aplicación abalarMóbil está xa dispoñible para 42.000 familias galegas
mércores, 29 de outubro do 2014
Nos últimos catro meses a AMTEGA, en colaboración coa
ConsellerÃa de Cultura, Educación e Ordenación Universitaria, triplicou o
número de centros que poden dispoñer da aplicación
abalarMóbil, que permite ás familias seguir a actividade educativa dos seus
fillos dende calquera lugar, dunha forma rápida e cómoda a través dos seus
dispositivos móbiles.
Actualmente abalarMóbil
está dispoñible para máis das 42.000 familias do alumnado matriculado en 100
centros das 4 provincias galegas (43 da provincia da Coruña, 19 de Lugo, 9
de Ourense, 29 de Pontevedra) e nos vindeiros meses ampliarase o alcance de
abalarMóbil paulatinamente ao resto dos centros educativos. Cando estea
plenamente funcionando en todos os centros educativos preto de 400.000 nais e
pais se poderán beneficiar das vantaxes da aplicación.
As familias que descarguen a aplicación poderán consultar desde o seu
dispositivo móbil as cualificacións dos seus fillos, solicitar unha cita de
titorÃa, consultar e xustificar as faltas de asistencia, as faltas de conduta,
os horarios e as materias, as incidencias creadas polo profesorado asà como os
avisos ou notificacións por parte do profesorado ou do centro educativo e
modificar o idioma da aplicación.
AbalarMóbil traslada ás tabletas e aos smartphones os
servizos que as familias teñen no espazoAbalar coa vantaxe de simplificar o
acceso a estas funcionalidades, xa que o único requirimento para acceder á
información é descargar a aplicación (non tendo que precisar de certificado
dixital ou DNI electrónico para identificar ao usuario).
Esta ferramenta pode descargarse
de balde de Google Play e da App Store.