A Universidade de Granada desenvolve un sistema móbil para facilitar a comunicación dos nenos autistas
venres, 20 de outubro do 2006
As tecnoloxÃas da información non nos aseguran por si soas máis posibilidades de diálogo cos restantes membros da especie humana, e en moitos casos chegan a impedilo por un mal emprego (parellas sentadas nun café nunha mesma mesa falando por cadanseu móbil a quilómetros de distancia).
Sexa como sexa, hai que recoñecer que hai ocasións en que se opera a milagre e a comunicación chega a ser tan completa que case é difÃcil de enxergar ó cen por cen, e máis se somos persoas con dificultades para expresarnos ou para que os demais cheguen a nós. É nesta liña de usar as ferramentas da comunicación para o que son onde se sitúa o programa Sc@ut, orientado a favorecer a relación directa dos nenos co espazo que os rodea. A iniciativa está a ser desenvolvida por investigadores da Universidade de Granada e nela participan trece mestres da Escola Técnica Superior de Informática e un equipo de psicólogos, pedagogos e logopedas.
O programa Sc@ut (Sistema de Comunicación Aumentativa e Adaptativa) baséase no emprego dun software (libre) executable en varios dispositivos: PCs, portátiles, PDAs, etc; e está especialmente deseñado para nenos en xeral con necesidades educativas e comunicativas especiais. Máis polo miúdo, trátase dunha ferramenta que abre as portas para a interactuación co noso medio.
Por certo que na web da Universidade de Granada, os pais, titores ou mestres interesados nesta aplicación poden descargarse o devandito software para logo ser empregado –como dixemos– en computadores ou en PDAs. Con esta manobra, indican os investigadores responsables da iniciativa, o aparello quedará configurado como un instrumento de comunicación entre o rapaz e a sociedade, xa que por medio del poderá expresar as súas gañas de ir ó baño, de comer ou até sentimentos como ledicia, tristura ou cansazo.
Cómpre subliñar que Sc@ut é aÃnda unha experiencia piloto e polo de agora levouse á práctica en 16 centros educativos de Granada e Jaén, mais a intención da Junta de AndalucÃa é espallalo por toda a comunidade. A xuÃzo do equipo desenvolvedor, unha das principais vantaxes deste proxecto baséase na posibilidade de estar en movemento, de non ficar ancorados nun espazo concreto e delimitado: vantaxes da mobilidade, e da tecnoloxÃa.