A EGAP desenvolve unha plataforma multimedia para os seus cursos a distancia
martes, 17 de marzo do 2009
Logo de sorprendernos
co desenvolvemento dun videoxogo que favorece a boa práctica da nova Lei de
Contratos do persoal da Xunta, a Escola Galega
de Administración Pública (EGAP), en colaboración coa Dirección Xeral de
Calidade e Avaliación das PolÃticas Públicas, volve a facer uso das novas
tecnoloxÃas para favorecer a formación dos seus usuarios, poñendo en marcha,
desta volta, unha experiencia pioneira de formación telepresencial en
tecnoloxÃas da información, ofimática e idiomas.
Esta iniciativa, que
se recolle na edición do Diario Oficial de Galicia (DOG) de onte, oferta unha
serie de cursos destinados a empregados públicos con destino na Administración
local de Galicia, que se atopen en situación de servizo activo, incapacidade
temporal por maternidade ou excedencia polo coidado dun fillo ou dun familiar e
que reúnan os requisitos establecidos en cada unha das convocatorias.
A plataforma
empregada para impartir estas actividades desenvolveuse utilizando a tecnoloxÃas
multimedia (integrando imaxe, voz e datos) para ofrecerlle ao alumnado todas as
vantaxes da formación presencial pero aproveitando os aspectos máis positivos
da educación a distancia.
Neste senso, a
plataforma ofrece dúas modalidades de traballo, en directo e en diferido, e
tres temáticas distintas: inglés, ofimática e tecnoloxÃa.
As actividades en
directo consisten nunha serie de cursos de formación telepresencial a través dunha
canle interactiva de formación tecnolóxica que ofrece as clases en tempo real a
través da Internet.
Esta modalidade
ofrece comunicación en tempo real entre todos os participantes e o instrutor,
polo que se poderá interactuar e compartir programas e ficheiros a través de
distintas vÃas como o chat, a barra de ferramentas de escritura, a webcam…
As actividades en
diferido, ao igual que ocorre coas que son en directo, emÃtense nuns dÃas e
horas concretas, e a través delas, o alumno poderá visualizar as gravacións das
sesións emitidas anteriormente, incluÃndo explicacións do profesor e
comentarios dos compañeiros, aÃnda que non poderá interactuar con eles. De
xeito complementario o alumnado interesado poderá inscribirse na videoteca, a
través da cal poderá acceder ás gravacións de todas as emisións realizadas, en
calquera momento.
Asemade, existen dúas
modalidades de seguimento deste curso: con certificado de aproveitamento ou sen
el. A EGAP só expedirá certificado a aquelas persoas que soliciten esta modalidade,
asistan ao curso un mÃnimo do 85% das horas establecidas e superen o sistema de
avaliación presencial que se determine. No caso de ter solicitado o
certificado, o importe da matrÃcula é de 50 euros.
Os interesados en
realizar a inscripción poden solicitar máis información na edición de onte do
DOG ou ben directamente na páxina web da Escola. Asemade, a EGAP habilitou unha
conta de correo electrónico á que dirixirse para a consulta de calquera
cuestión ou dúbida: elearning.egap@xunta.es.
O prazo de presentación das solicitudes rematará o vindeiro 30 de marzo.