A Casa do Gourmet adáptase aos móbiles con Android
xoves, 31 de maio do 2012
A Casa do Gourmet, tenda en liña galega especializada (como
o seu propio nome indica) en todas esas cousas que fan que luza unha cociña ou
mesa de xantar, vén de publicar no Google Play unha
aplicación para móbiles co sistema Android que lles vai permitir aos seus
seareiros-usuarios levar a tenda con eles a tempo completo, a través do móbil.
A Casa do Gourmet, que ten sede social en Vigo e leva xa preto de seis anos
distribuíndo a tódolos recantos do mundo (non só a nosa terra) produtos de
primeira calidade e delicatessen,
lanza o devandito servizo de tenda en liña co obxectivo “de achegarse aínda máis aos clientes e amigos”.
Ou sexa, de ser cen por cen accesíbel.
O desenvolvemento vén da man de Ceonet e en breve, sinalan os responsábeis da
firma, complementarase con novas versións para iOS e WP. “Deste xeito”, engaden dende A Casa do Gourmet, “apostamos forte pola nosa presenza no ámbito
do ecommerce, co que tratamos de ofrecer non só a maior oferta, senón tamén a
mellor”.