A CRTVG estrea aplicación móbil para iOS e Android
luns, 28 de novembro do 2011
- A nova aplicación está adaptada tanto para iPhone como para iPad
A CompañÃa da Radio-Televisión de Galicia vén
de desenvolver a aplicación móbil CRTVG
Informativos e Directos, coa que facilitan o acceso aos seus contidos en
mobilidade, de xeito que en calquera momento e en case calquera lugar será
posible sintonizar as canles internacionais da TVG (Europa e América) e as 3
emisións da Radio Galega (Radio Galega,
Radio Galega Música e Son Galicia Radio), asà como acceder aos
contidos dos informativos da TVG (podendo consultar por separado as seccións de
Deportes, Galicia, Mundo e o Tempo) tanto dende dispositivos co sistema
operativo Android coma con iOS.
A nova aplicación pode descargarse de balde
no Android Market, para móbiles co sistema operativo promovido por Google,
mentres que os usuarios de iPhone, iPod Touch e iPad poden descargala
da App Store, ofrecendo nesta caso unha interface de uso válida tanto para
móbiles coma para tablets, adaptándose ás peculiaridades das dimensións de pantalla
dos distintos trebellos.
A nova aplicación para iOS da CRTVG tamén permite personalizar os seus fondos
con imaxes emblemáticas de Galicia e é compatible con Apple TV, mentres que os
usuarios de Android teñen que conformarse cunha ferramenta que serve de atallo
aos contidos audiovisuais da CRTVG.
- CRTVG Informativos e Directos tamén está dispoñible para móbiles Android