Zeiss colaborará no desenvolvemento das cámaras dos smartphones de Nokia
xoves, 6 de xullo do 2017
Durante a
pasada edición do Mobile World Congress de Barcelona causou furor o Nokia 3310,
pese a que o seu lanzamento non deixou de ser unha simple anécdota para chamar
a atención sobre o relanzamento
da marca Nokia, que agora aposta por móbiles con Android, entre os que
están os Nokia 3, 5 e 6, que nun par de semanas chegarán ao mercado español a prezos
de 159,90, 209,90 e 249,90 euros respectivamente segundo a cadea de tendas
Fnac.
Estes últimos terminais, se ben son recomendables pola súa calidade de
fabricación e por contar con versións de Android limpas e con actualizacións frecuentes, ningún deles é o que os
seareiros de Nokia esperaban, xa que moitos tiñan a confianza de que vese a luz
un rumoreado Nokia 8 de alta gama, que contase cunha cámara en condicións, o
que é posible que finalmente sexa posible se atendemos ao último anuncio da
compañÃa finlandesa, xa que HMD
Global (o actual propietario de Nokia) vén de pechar un acordo con Zeiss, o
célebre fabricante de obxectivos para cámaras que traballara con Nokia no
pasado, de xeito que colaborarán a longo prazo para desenvolver novas cámaras
para smartphones.
As compañÃas non detallaron as condicións do seu acordo, pero Zeiss poderÃa non
limitarse a subministrar os obxectivos das cámaras, senón tamén sensores e
software, de xeito que no futuro poderiamos ver algún smartphone de Nokia que
poida converterse nun referente no apartado fotográfico como no seu dÃa fora o Lumia 1020 coa
súa impresionante cámara de 41 MpÃxeles.