Videoxogo.gal partifica na prestixiosa feira GameInvest, este 22 de xullo en Málaga
xoves, 21 de xullo do 2022
Videoxogo.gal,
a asociación galega de videoxogos e contidos interactivo, segue
adiante este verán cos seus obxectivos de potenciar o sector galego
a través do Hub Audiovisual e o financiamento da axencia autonómica
AGADIC. Sen ir máis lonxe, anunciou a súa colavoración cunha das
maiores feiras do sector a nivel nacional, GameInvest
de Málaga.
Videoxogo.gal
estará presente na xornada profesional de GameInvest, dando a
coñecer o potencial galego perante investidores e profesionais
nacionais e internacionais, e abrindo novas oportunidades para
start-ups e novas empresas, para así avanzar cara á
profesionalización da industria do videoxogo en Galicia.
A
asociación lémbra que a súa actividade recente complementouse coa
participación nos eventos Mundos Digitales, FanCine de Lemos,
Videoxogando e Ourense Gaming Experiencie, todos celebrados este mes
de xullo. Amais, está a centrar esforzos no polo de aceleración de
vidoxogos impulsado pola Axencia Galega das Industrias Culturais da
Xunta de Galicia (AGADIC), con financiamento a través do Fondo
Europeo de Desenvolvemento Rexional (FEDER), polo onde a asociación
colabora como entidade xestora. “O sector promete moitas máis
novidades e unha manchea de actividades nos próximos meses”,
sinalan dende Videoxogo.gal, engadindo que esta industria do lecer
dixital é unha das de maior crecemento a nivel mundial, “e Galicia
non se queda atrás neste avance do sector dos videoxogos e contidos
interactivos”.