Teresa Brianes, socia fundadora de Dos Espacios, Premio á Muller Autónoma do Ano en Galicia
martes, 28 de xaneiro do 2020
Teresa
Brianes, socia fundadora da empresa vilagarciá Dos
Espacios, especializada en servizos de comunicación 360 e
desenvolvemento integral de solucións web, recibiu este martes 28 o
Premio á Muller Autónoma do Ano en Galicia que conceden AGTAMAR
(Asociación Galega de Traballadores Autónomos e do Mar) e UPTA
(Unión de Profesionais e Traballadores Autónomos).
O
presidente de UPTA, Eduardo Abad Sabarís, foi o encargado de facer
entrega do galardón, nas súas palabras un recoñecemento á
traxectoria de Brianes e “ao seu compromiso cun sistema de traballo
baseado na conciliación entre a vida profesional e persoal”. O
acto celebrouse nas instalacións da empresa.
Brianes,
durante a concesión do premio, sinalou que a distinción tamén é
un xeito de “recoñecer os esforzos das mulleres emprendedoras e
autónomas”, e máis aínda tendo en conta que o seu equipo está
formado nun 80% por mulleres. A fundadora de Dos Espacios agradeceu o
premio “con alegría e responsabilidade” e recoñeceu que
“emprender un proxecto como autónomo require vocación de esforzo
e moita flexibilidade, hai que saber adaptarse ás dificultades do
camiño para que o proxecto poida seguir adiante”.
Pola
súa banda, o presidente de UPTA definiu a Brianes como unha “muller
profesional, cualificada e tecnolóxica”, salientando a “súa
perseveranza ao saber crear unha empresa que hoxe conta cunha ducia
de empregadas e empregados, pero que foi posta en marcha,
orixinalmente, por só dous socios”. Dos Espacios, dixo, é “un
exemplo de crecemento e de moi bo desenvolvemento”.
Dos
Espacios coa igualdade
A
orixe do galardón está, como dixemos, no compromiso da empresa por
botar abaixo muros de discriminación. De feito, Teresa Brianes
impulsou a creación dun plan de igualdade propio en Dos Espacios hai
máis de dez anos e na actualidade a empresa está en proceso de
obter a certificación de Empresa Familiarmente Responsábel (EFR),
que recoñece ás compañías que implantan modelos de xestión
baseados na flexibilidade, o respecto e o compromiso mutuos e que
permiten un equilibrio entre a vida laboral e persoal.