Televés superou os 23 millóns de euros de investimento na súa evolución cara á Industria 4.0
mércores, 28 de xullo do 2021
Este
mércores
28 de xullo celebrouse nas instalacións de Televés Corporación, en
Santiago de Compostela, o acto público final de presentación de
resultados e peche do proxecto Corp4Future. A cita contou coa
presenza da directora da Axencia Galega de Innovación (GAIN),
Patricia Argerey, que tivo oportunidade de ver in situ a
materialización tecnolóxica e industrial do proxecto, que colleu
corpo a longo de catro anos.
Santiago
Rey, director executivo de Televés Corporación, inaugurou o acto
cunhas palabras de agradecemento polo “compromiso da Xunta de
Galicia e da Axencia Galega de Innovación (GAIN) coa evolución
tecnolóxica sostida do tecido industrial de Galicia”. Rey
salientou ademais a relevancia de Corp4Future para “demostrar as
capacidades e sinerxías de varias das empresas que conforman a
corporación Televés”.
A
través de Corp4Future, o grupo compostelán puido dar forma a unha
importante parte do seu profundo plan de transformación industrial
cara a unha contorna de Industria 4.0.
Corp4Future
contou co respaldo da Xunta de Galicia, que incluíu a iniciativa no
programa de incentivos para investimentos no ámbito da industria
intelixente, tras unha convocatoria pública en concorrencia
competitiva e co apoio da Axencia Galega de Innovación.
Os
obxectivos do proxecto
A
través desta iniciativa, as empresas encadradas na Televés
Corporación que participaron como socias en Corp4Future (Televés,
Tredess e Gsertel), así como as firmas que colaboraron activamente
(GAINSA, ISF e GCE), tiñan ante si un reto de gran importancia:
elevar a competitividade dos procesos produtivos e a eficiencia
loxística empresarial a través novas tecnoloxías e métodos de
fabricación, recursos entre os que se contaban a robótica
colaborativa ou o IIoT (Industrial IoT). O resultado, salientou
Televés, foi un rotundo éxito que ademais “dá continuidade á
inercia innovadora da corporación” e “permite impulsar e
facilitar en paralelo a transformación dixital integral do modelo
empresarial, como paso para o sostido proceso de crecemento e
diversificación no que está inmersa Televés Corporación”.
A
directora de GAIN, Patricia Argerey, salientou na súa intervención
a “aposta pola innovación e a Industria 4.0 de Televés”, que
conta con dous proxectos apoiados no marco do programa Fábrica
Intelixente e Sustentábel da Xunta de Galicia a través da Axencia
Galega de Innovación. Argerey apuntou que estes procesos de
transformación da industria galega teñen “unha gran
potencialidade para o crecemento da nosa economía, xa que as
solucións avanzadas que ofrece a Industria 4.0 reverten nunha
redución de custos de fabricación, na posibilidade de personalizar
os produtos, na apertura de novas oportunidades de negocio e no
crecemento económico para Galicia”.
Pola
súa banda, José Manuel Álvarez, responsable do proxecto
Corp4Future realizou a presentación dos resultados finais, co visto
e prace e aprobación e que se resumen na seguinte listaxe:
Liñas
de actividade planificadas e executadas: 747
Macro
actividades desenvolvidas: 5
Actuacións
industriais significativas: 12
Adaptación
de prototipos a Industria 4.0: 22
Persoal
involucrado: máis de 120 persoas
Novas
contratacións: máis de 25 persoas
Perfís
reconvertidos: máis do 65%
Estado
actual proxecto: 108%
Investimento
final estimado: 23 millóns de euros.
O
acto rematou cunha visita guiada polas instalacións fabrís de
Televés, onde os visitantes puideron comprobar en persoa os
desenvolvementos e obxectivos logrados ao longo deste catro anos de
proxecto.