SetPay abre a súa solución de pagamento mediante tarxeta a aplicacións de terceiros
venres, 10 de outubro do 2014
- A solución de SetPay combina o uso de dispositivos móbiles cun lector de tarxetas
A solución compostelá para o pagamento con
tarxeta bancaria SetPay, baseada nun lector de tarxetas que funciona en
combinación cun dispositivo móbil con iOS ou Android co que se comunica
mediante Bluetooth, non só ten como grande vantaxe o feito de permitir aceptar
pagamentos en calquera curruncho no que poidamos ter acceso á Internet dende
banda larga móbil ou Wi-Fi, senón que tamén está a abrirse para o seu uso dende
aplicacións de terceiros, para o que veñen
de publicar a súa API para desenvolvedores.
Deste xeito SetPay non se limitará a ofrecer o seu TPV móbil a PEME e
autónomos, senón que tamén poderá chegar a acordos con fabricantes de
aplicacións, cadeas e franquÃas, que poderán integrar esta solución de
pagamento no seu software, agardando que antes de rematar o ano poidan anunciar
xa os primeiros partners desta nova
área que deron a coñecer esta semana.
Para avanzar neste ámbito SetPay tamén está
a renovar a súa estrutura de comisións por operación, que agora fanse flexibles,
de xeito que para un pequeno volume de operacións cobra unha comisión do 1,99%,
cantidade que decrecerá a partir dos 2.000 euros en operacións até chegar a un
0,99% para un volume de operación de entre 7.001 e 10.000 euros. Estes prezos
son bastante máis reducidos ao que estamos afeitos, xa que o servizo carece de
custos fixos, permanencias e comisións mÃnimas.
- SetPay facilita o pagamento con tarxeta tanto en establecementos fÃsicos como en mobilidade