Os monólogos tecnolóxico-humorísticos de R chegan á Coruña
mércores, 21 de novembro do 2018
Segue
adiante a xira de R destinada a facer repaso da nosa historia
tecnolóxica recente, da
que falamos os días pasados para dar da cita en Ferrol e para
informar do punto de vista empregados para o balance de fitos (e dos
non tan fitos, que tamén): o punto de vista do humor a través das
dúas décadas de vida da operadora de raíz galega. Falamos
dos espectáculos de monólogos de R, que desta volta arriban á
Coruña, ao recinto PALEXCO, o vindeiro sábado 24 de novembro a
partir das 21.00 horas.
Trátase,
en palabras de R, dun novo exemplo da aposta da empresa pola canteira
galega do humor, que lle serve, ademais, para facer repaso polos seus
principais acontecementos históricos agora que a operadora se atopa
mergullada nas celebracións do seu 20 aniversario.
O
evento contará coa presenza dos nosos humoristas David Amor e a
Oswaldo Digón, que presentarán un novo espectáculo con guión do
tamén monologuista e actor galego Xosé A. Touriñán. A obra,
Monólogos R: #20anosporaquí, é, en palabras de R, “humor
do país enchido de referencias ao pasado e presente da empresa,
dende os seus inicios, cando a velocidade de Internet aínda se medía
en Kbps, até a era actual dos teléfonos intelixentes na nosa vida
cotiá”.
Para
acudir ao evento cómpre que os clientes conten con algún dos
convites de R, que habilita no seu
blog toda a información que precisemos sobre esta cita.
Fotos
co público e máis monólogos R
Como
xa é tradición nos monólogos R, non faltarán tampouco nesta
ocasión as fotos finais dos actores cos asistentes ao remate dos
espectáculos. Tras recalar en Vigo, Lugo, Ferrol e arestora na
Coruña, os monólogos R visitarán as cidades de Pontevedra,
Santiago e Ourense. Segundo informa a empresa, a intención é “dar
percorrido ao formato do monólogo, que R leva escollendo dende 2008
para manterse preto da xente da man do enxeño e do humor, seica unha
das maneiras máis rápidas e eficaces de acurtar distancias entre as
persoas”.