Javier Urra explica este sábado en Santiago como termos un fogar dixitalmente saudábel
venres, 29 de xuño do 2018
Javier
Urra, psicólogo forense da Fiscalía do Tribunal Superior de Xustiza
e reputado experto en psicoloxía clínica e pedagoxía, vai estar
este sábado en Santiago para achegarnos unhas cantes claves sobre
como comportarnos (nais e pais) perante os posíbeis excesos
tecnolóxicos das nosas crianzas e perante os posíbeis malos usos
das novas ferramentas. Urra
vén convidado polo Colexio Profesional de Enxeñaría en Informática
de Galicia (CPEIG). A conferencia, que desenvolve baixo o título
Educar con criterio e ALGO MÁIS, está prevista para as 12:00
horas no Centro de Innovación Cultural (Edificio CINC) da Cidade da
Cultura.
A
conferencia, aberta ao público en xeral, está enmarcada nas
actividades da cuarta edición da Olimpíada de Robótica de Galicia,
da que o CPEIG tamén é entidade organizadora xunto á FEGAMP e
Arkitas.
Por
certo que o relatorio será presentado polo presidente do colexio
profesional galego, Fernando Suárez.
Segundo
informa o CPEIG, Urra é psicólogo forense da Fiscalía do Tribunal
Superior de Xustiza, está especializado en psicoloxía clínica e
psicoterapia (acreditado por la Federación Europea de Asociacións
de Psicólogos) e é pedagogo terapeuta. Na charla, explicará aos
pais e nais asistentes á charla o esencial para educar aos seus
fillos con criterio. Falará de prevención e intervención e dos
pros e contras do contacto na Rede.