O investigador do CITIC Carlos Gómez, novo socio de honra da Real Sociedad Matemática
luns, 20 de febreiro do 2023
A
Real
Sociedad Matemática Española aprobou en xunta xeral o nomeamento do
catedrático da Universidade da Coruña e investigador do CITIC
Carlos Gómez Rodríguez e do académico Guillermo Rojo Sánchez
como novos socios de honra.
Carlos
Gómez, Premio Nacional de Investigación para Jóvenes María
Andresa Casamayor na área de Matemáticas e Tecnoloxías da
Información e as Comunicacións (TIC) que outorga o Ministerio de
Ciencia e Innovación, foi recoñecido “pola orixinalidade e o
impacto das súas aportacións ao desenvolvemento de algoritmos que
incorporan a linguaxe natural a contornos dixitais propios da
intelixencia artificial”.
Pola
súa banda, Guillermo Rojo é académico de número da RAE, letra N.
Elixido o 27 de xaneiro de 2000, tomou posesión o 7 de outubro de
2001 co discurso titulado El lugar de la Sintaxis en las primeras
Gramáticas de la Academia. É doutor en Filoloxía Románica,
catedrático de Lingüística Española e profesor emérito na
Universidade de Santiago de Compostela. Foi a persoa chave na RAE
para consolidar a relación entre a RAE e a RSME, iniciada a raíz do
convenio de colaboración firmado en 2016, chegando a unha estreita
colaboración na actualidade.