O alumnado do IES de Elviña coñeceu os proxectos do CITIC

O pasado 10 de xuño a sede do Centro de Investigación TIC (CITIC) recibiu a visita dun grupo de alumnos e alumnas de 1º de Bacharelato da materia de Tecnoloxía do IES de Elviña. Para comezar, o subdirector do CITIC, Javier Pereira, realizou unha presentación do centro e as súas capacidades.
Posteriormente, o responsábel da unidade de sistemas, Alejandro Mosteiro, explicoulles ás e aos estudantes o funcionamento do Centro de Procesamento de Datos (CPD) do CITIC.
A visita concluíu na sala Demostrador Tecnolóxico, recentemente inaugurada, onde o alumnado tivo a oportunidade de coñecer varios proxectos desenvolvidos no CITIC e probar diferentes aplicacións desenvolvidas con tecnoloxía de Realidade Virtual e interacción co mundo físico.